സ്വേച്ഛയും പരേച്ഛയും

പ്രകൃതിയിലെ സര്‍വ ജീവജാലങ്ങള്‍ക്കും ഉള്ളില്‍,

അതിന്റെ ഭാവി ലോകത്തെ കുറിച്ചുള്ള ഒരു

ഭാവനാ ചിത്രമുണ്ട്..

അതിനനുസൃതം ആയിരിക്കും,

അതിന്റെ മുന്നിലെ ലോകം

അതിനു മുന്നില്‍ പ്രത്യക്ഷമാകുക..

നമുക്ക് ചുറ്റുമുള്ള സര്‍വ ജൈവ അജൈവ ജാലങ്ങള്‍ക്കും

ഇത്തരമൊരു ഭാവിരേഖ (ഹസ്തരേഖയല്ല) ഉണ്ടായിരിക്കും.

(ജിനോം മാപ്പിങ്ങില്‍ നാം കണ്ടെത്തുന്നതും മറ്റൊന്നല്ല..)

അതിനനുസൃതമായി മാത്രമേ അതൊരു ജീവിയെങ്കില്‍,

അത് ചിന്തിക്കുകയുള്ളൂ, ഭാവന ചെയ്യുകയുള്ളൂ,,

അതിന്റെ ഉദ്ദേശ്യ ഭാവന (Intention) ഉണ്ടാകുകയുള്ളൂ..

അങ്ങിനെ ഒരു ജീവിയിലുണ്ടാകുന്ന

സ്വന്തം ഉദ്ദേശ്യ ഭാവനയെ സ്വേച്ഛ (Self Intention) എന്ന് വിളിക്കാം.

ഓരോ വസ്തുവിനും, തന്റെ ജീവിതത്തെക്കുറിച്ച് മാത്രമല്ലാതെ

പ്രപഞ്ചത്തിലെ ഇതര വസ്തുക്കളെ ക്കുറിച്ചും,

ഒരു ഉദ്ദേശ്യ ഭാവനാ ചിത്രമുണ്ടായിരിക്കും..

അങ്ങിനെ ഇവിടുള്ള എല്ലാ സത്തകള്‍ക്കും ഉള്ള

ഭാവനാ ചിത്രങ്ങളുടെ (ഇച്ഛയുടെ) ആകെ തുകയാകും

ഒരു വസ്തുവിന്റെ / ജീവിയുടെ ഭാവി..

ഇങ്ങനെ അപരന്റെ ഭാവനാ ചിത്രത്തില്‍

തനിക്കുണ്ടാകുന്ന ഉദ്ദേശ്യ ഭാവനയാണ് പരേച്ഛ (Alien Intention).

പ്രപഞ്ച വികാസത്തില്‍ (കാലത്തില്‍) ഇതിനെയാണ്

നിയതി / വിധി (Destiny) എന്ന് വിളിക്കുന്നത്‌.

പരേച്ഛയാണ് ലോകത്തിന്റെ വിധി നിര്‍ണയിക്കുന്നത്..

പക്ഷെ സ്വേച്ഛ മതിയാം വണ്ണം ഉണ്ടായാല്‍,

അതിനു പരേച്ഛകളെ മറികടക്കാനാകും.